Различни луѓе. Заедничка љубопитност.
Непрофитна, доброволна, независна и непартиска организација на граѓани со натпросечна интелигенција.
Отворена за различни умови.
Член на Менса Македонија може да биде секој што на надгледуван, стандарден тест за интелигенција постигнал резултат во горните 2% од тестираната популација и доброволно ќе пристапи, на покана од организацијата.
Сите членови имаат еднакви права и привилегии, без разлика на религија, пол, националност, возраст, образование, политички убедувања и социјална положба.
Како до членствоИнтелигенција за општо добро.
- Идентификација и поттикнување на човековата интелигенција за добробит на човештвото.
- Унапредување на истражувањето на природата, карактеристиките и користењето на интелигенцијата.
- Стимулативни интелектуални и општествени услови за членовите.
Од 1999 година, со поглед напред.
Првите посериозни обиди за формирање на Менса Македонија започнале во 1997 година. Првото тестирање се одржало на 6 ноември 1999, а Основачкото собрание на 4 декември 1999 година на Филолошкиот факултет.
На 11 февруари 2000 година организацијата била запишана во регистарот на здруженија на граѓани и фондации. На почетокот на јуни 2000 година ги завршила законските постапки и започнала со работа.